كفتة بالبطاطس والحمص

أولا عمل الكفتة

========

لحمة مفرومة + ! بصلة مقطعة صغير+ بقدونس مفروم + 2 فص ثوم مفروم+ بهارات وملح وفلفل

يخلط الجميع ويتبل ثم تكور

تحمر البطاطس أو تشوى بالفرن وممكن نستعمل بطاطس صغيرة في حجم الكفتة

نحمر الكفتة ونضعها على البطاطس

في الزيت الناتج من تحمير الكفتة نضع بصلة كبيرة

مقطعة حلقات ونحركها الى أن تذبل وممكن نضع

قرن فلفل أخضر حسب الرغبة

ثم نضع طماطم مقطعة

ولما تتسبك شوية نضع الحمص المنقوع مسبقا ومسلوق نص سلق

ثم نضع الخليط على الكفتة والبطاطس

ثم نضعها في الفرن يادوب ربع ساعة وحتى يحمر الوجه لأن كل الخليط مستوي

تقدم مع الأرز ويزين الطبق

وبالهنا والشفا

بط بالبرتقال ( طعمه رائع جدا)

نشوف الطريقة

نغسل البطة جيدا وتنقع في الماء والملح والخل والدقيق نصف ساعة

نكون حضرنا مكونات الحشو وخلطة الفرشة اللي هانحطها في الصينية

هانحضر كوب عصير ونخليه على جنب ونعمل خليط الحشو 

نقطع بصلة حلقات أو جوليان وكمان واحدة طماطم نقطعها وقشر البرتقالة

بتاع العصير ونخلطهم مع بعض ونتبلهم بالملح والفلفل واللاورو و ممكن

فلفل أخضر ونحشي بيهم البطة 

نجيب صينية و نحط فيها بصل شرائح وبطاطس وطماطم وجزر ونتبلهم

بالملح والفلفل

نضع البطة في الصينية ونتركها ممكن ساعة وقبل ماندخلها

الفرن نضيف عليها كوب عصير برتقال

بعد ماتستوي ناخد ناتج العصير اللي في الصينية ونحطه على

النار وندوب ملعقة نشا في نص كوب عصير برتقال ونضيفه

هايطلع صوص جميل من طعم البط وكونات الخلطة

هانحط شوية في سرفيس

وبعدين نحط البطة عليه في السرفيس ونضع باقي الصوص 

على البطة

وبجد طعمها أكثر من رائع 

انشاء الله تكون عجبتكم

والى اللقاء في طبق آخر

السجق الأسكندراني المشطشط

مكونات الطبق

=======

سجق بلدى مسلوق ومقطع - فلفل ألوان - طماطم مقطعة - بصلة مفرومة وثوم مفروم

ممكن تضيفي قرون فلفل أخضر شطة

أول حاجة تدبلي البصل والتوم مع زيت درة أوزيتون

ثم نضع الفلفل بأنواعه ونقلبه خمس دقائق

ثم نضع الطماطم ونخليها تتسبك شويه

ا

وآخر حاجة السجق ونخليه يتسبك مع الخلطة حوالي ربع ساعة ولاتنسي الملح والفلفل الأسود

وفي النهاية نغرف في طبق ونزينه بالبقدونس وده شكله وطعمه ولا أروع

وبألف هنا وشفا

بطاطس جراتان بالبرتقال

بسم الله الرحمن الرحيم 

المكونات

=====

بطاطس مقطعة حلقات وتكون غير سميكة 

كوب كبير عصير برتقال + بشر برتقال + جبنة رومي مبشورة

ملح وفلفل = ملعقة من المستردة

الطريقة

=====

نرص طبقة من البطاطس في صينية ثم نضع عليها

قليل من بشر البرنقال وقليل من الجبنة الرومي المبشورة

نضع الطبقة الثانية من البطاطس

ندوب ملعقة المستردة مع عصير البرتقال 

نرش الملح والفلفل على البطاطس ثم نضع العصير

نضع مبشور الجبنة الرومي وبشر البرتقال 

ثم نضع على الوجه قطع من الزبدة

ثم نضعها في الفرن الى أن تنتضج ويحمر الوجه

ايه رأيكم يالا جربوها هاتعجبكم جدا

طعمها رائع وخفيفة 

والى اللقاء في طبق آخر

للمزيد من مواضيعي

مخبوزات العيد ( الكعك الناعم- البيتيفور-الغريبة-بسكوت النشادر-بسكوت اليانسون- اللانكشير)

اضغطي على الرابط تلاقي طريقة العمل بالتفصيل والصور وبفضل الله الطريقة مضمونة 100 في ال100

كعك العيد

======

http://kokoo-koky.blogspot.com/2010/06/blog-post_888.html

البيتيفور

=====

http://kokoo-koky.blogspot.com/2010/06/blog-post_3582.html

الغربية

====

http://kokoo-koky.blogspot.com/2010/06/blog-post_14.html

اللانكشير

=====

http://kokoo-koky.blogspot.com/2010/06/blog-post_6031.html

بسكوت النشادر

=========

http://kokoo-koky.blogspot.com/2010/06/blog-post_13.html

بسكوت اليانسون

========

http://kokoo-koky.blogspot.com/2010/06/blog-post_8491.html

تشيز كيك البرتقال

المقادير
=====

2 باكو بسكوت دايجستيف أو ماري = 2 كوب كريمة خفق = 2 علبة زبادي
كوب عصير برتقال + 2 ملعقة بشر برتقال = 2 ملعقة زبده= 2 ملعقة جيلاتين
فصوص 2 برتقالة = 8 قطع جبنة كيري
الطريقة
====
أول حاجة نجهز فصوص البرتقال كما في الصورة

نخفق الكريمة مع اضافة ملعقتين سكر

نخلط الجبنة الكيري مع الزبادي وممكن تضيفي قشطة اذا
بتحبي ثم نضيف كوب عصير البرتقال مع البشر وبعدين
تدوبي ملعقتين الجيلاتين في ربع كوب ماء ساخن ثم
يضاف الى الخليط السابق

نخلط الكريمة مع الخليط السابق

نطحن البسكوت مع الزبدة وتكون سايجة ثم نضعه في قالب
يفتح من الأجناب ونضغط عليه جامد ثم نضعة في الفرن
5 دقائق ويترك ليبر د الخطوة دي ممكن تعمليها أول حاجة

نضع الخليط على طبقة البسكوت وندخله التلاجة الى أن
يجمد

أثناء ذلك نقوم بعمل صوص البرتقال
نضع كوب من البرتقال على النار مع قطعة زبدة وتترك 5 دقائق

نضيف بشر برتقالة الي الخليط مع ملعقتتين من السكر
ثم ندوب ملعقة صغيرة من لنشا في ملعقتين ماء ثم نضيفهم
ونقلب جيدا ثم يترك ليبرد
 




نخرج القالب من التلاجة ونرص عليه فصوص البرتقال 

ثم نضع على الوجه صوص البرتقال 

ثم نزينها بالفسق المطحون

ان شاء الله تكون عجبتكم فهي سهلة وخفيفة جدا
والى اللقاء في وصفة أخرى

lمربى البرتقال

السلام عليكم ورحمة الله وبركاته 

مربى البرتقال من أطعم أنواع المربات وأنا باحب أعمل المربى بنفسي في كل موسم فاكهة 

لأن المربى الجاهزة بتكون حلوة زيادة عن اللزوم

وأنا باحب سكرها خفيف

نشوف بقى طريقتي في عملها

نحتاج الى كيلو برتقال + كيلو سكر + 2 ونصف كوب ماء + عصير ليمونة+ ملح ليمون ان وجد

نضع البرتقال مع الماء على النار ويترك نصف ساعة

ثم نغير المية كذا مرة لمدة يوم

نقطع البرتقال شرائح رفيعة بالسكينة أو بالقطاعة

نضع كيلو سكر مع 2 ونصف كوب ماء وعصير ليمونة

كأننا بنعمل شربات كنافة

 

ثم نضيف حلقات البرتقال 

وتترك حتى يتغير لون البرتقال للأغمق وممكن تاخد ساعة

ممكن تختبري درجة النضج بأن تضعي ملعقة مربى في طبق اذا فرشت معاكي يبقى لسة لم تنضج أما اذا مابقيت كما هي وكونت قشرة على الوجه يبقى المربى تمام التمام

وفي النهاية تكون بالشكل ده ممكن تهرسىها اذا مش عاوزاهاحلقات

ايه رأيكم سهلة مش كده وكفاية انها من عمايل ايديكي

ملحوظة

=====

ممكن تضيفي نص ملعقة ملح ليمون في الآخر خالص

بعد ماتشيليها من على النار

والى اللقاء في طبق آخر

مخلل الليمون السريع بالعصفر وحبة البركة

مخلل الليمون من أجمل المخللات فيه منه العادي ومنه المعصفر

والليمون المعصفر له طريقتين طريقة سريعة وطريقة عاديةبيقعد الليمون فيها بالشهور علشان يستوي

أنا النهاردة هاعمل الطريقة السريعة

تعالو نشوف

أولا لازم ننقي الليمون الأصفر الكبير 

بعد مانجيب الليمون نغسله كويس قوي ونحطه في حله ونغطيه بالميه وعلى البوتاجاز نخليه لما يغلي غلوة واحدة

ونلاقي الليمون اتفتح نشيله على طول ونرمي الميه بتاعته ونحط مية تاني ونفضل نغير الميه لمدة يومين

نعصر حوالي كيلو ليمون يعني أنا عملت 2 كيلو وعصرت كيلو والقشر بقى أوعي ترميه برضه اغليه على النارغلوة وارمي المية وغيرىها لمدة يومين زي الليمون 

الصحيح اللي عملنا في الأول 

والأحسن انك تعصري الليمون وتحطيه في علبة في التلاجة

وتعملي القشر زي ماقلت علشان يبقى كل الليمون مع بعض لما تيجي تعمليه

نيجي بقى لمكونات الحشو

زي مانتي شايفة في الصورة فلفل أحمر شطة - عصفر-حبة البركة - ملح

هانخلط المكونات دي مع بعض مع اضافة شوية عصرليمون

وهانخلي الليمون الباقي على جنب لغاية مانخلص

نشق كل ليمونة على أربعه ونحط فيه الحشو

ونرص في البرطمان لغاية مانخلص ولاتنسي تحطي قشرالليمون وممكن تحطي فلفل أخضر رفيع بين طبقات الليمون الصحيح 

والفلفل بيدي طعم جميل لليمون

وبعد مانخلص رص الليمون والقشر نحط عصير الليمون ونحط كمان زيت زيتون أو درة بالتبادل يعني تحطي شوية عصيرليمون وبعدين شوية زيت لغاية مالزيت يغطي الليمون

هايكون شكل الليمون في البرطمان كده

وهنا الزيت يغطي الليمون

ممكن نحط كيس بلاستيك تحت الغطا حتي لايدخل الهواء ويخرب الليمون

بعد أسبوع أو عشر أيام تفحي بقى البرطمان وتاكلي بالهنا والشفا وآدي شكل الليمون طعم في منتهى الجمال 

كمان الصوص بتاعه بيتاكل برضه 

تنبيه هام ماتحطيش ميه خالص في البرطمان زيت وليمون فقط

ايه رأيكم ان شاء الله يكون عجبكم