2011-03-10

مخلل الليمون السريع بالعصفر وحبة البركة



مخلل الليمون السريع بالعصفر وحبة



مخلل الليمون من أجمل المخللات فيه منه العادي ومنه المعصفر

والليمون المعصفر له طريقتين طريقة سريعة وطريقة عاديةبيقعد الليمون فيها بالشهور علشان يستوي

أنا النهاردة هاعمل الطريقة السريعة

تعالو نشوف

أولا لازم ننقي الليمون الأصفر الكبير 

بعد مانجيب الليمون نغسله كويس قوي ونحطه في حله ونغطيه بالميه وعلى البوتاجاز نخليه لما يغلي غلوة واحدة

ونلاقي الليمون اتفتح نشيله على طول ونرمي الميه بتاعته ونحط مية تاني ونفضل نغير الميه لمدة يومين

مخلل الليمون السريع بالعصفر وحبة

نعصر حوالي كيلو ليمون يعني أنا عملت 2 كيلو وعصرت كيلو والقشر بقى أوعي ترميه برضه اغليه على النارغلوة وارمي المية وغيرىها لمدة يومين زي الليمون 

الصحيح اللي عملنا في الأول 

مخلل الليمون السريع بالعصفر وحبة

والأحسن انك تعصري الليمون وتحطيه في علبة في التلاجة

وتعملي القشر زي ماقلت علشان يبقى كل الليمون مع بعض لما تيجي تعمليه

نيجي بقى لمكونات الحشو

زي مانتي شايفة في الصورة فلفل أحمر شطة - عصفر-حبة البركة - ملح

مخلل الليمون السريع بالعصفر وحبة

هانخلط المكونات دي مع بعض مع اضافة شوية عصرليمون

وهانخلي الليمون الباقي على جنب لغاية مانخلص

مخلل الليمون السريع بالعصفر وحبة

نشق كل ليمونة على أربعه ونحط فيه الحشو

مخلل الليمون السريع بالعصفر وحبة

ونرص في البرطمان لغاية مانخلص ولاتنسي تحطي قشرالليمون وممكن تحطي فلفل أخضر رفيع بين طبقات الليمون الصحيح 
والفلفل بيدي طعم جميل لليمون

وبعد مانخلص رص الليمون والقشر نحط عصير الليمون ونحط كمان زيت زيتون أو درة بالتبادل يعني تحطي شوية عصيرليمون وبعدين شوية زيت لغاية مالزيت يغطي الليمون

هايكون شكل الليمون في البرطمان كده

مخلل الليمون السريع بالعصفر وحبة

وهنا الزيت يغطي الليمون

مخلل الليمون السريع بالعصفر وحبة

ممكن نحط كيس بلاستيك تحت الغطا حتي لايدخل الهواء ويخرب الليمون

مخلل الليمون السريع بالعصفر وحبة

بعد أسبوع أو عشر أيام تفحي بقى البرطمان وتاكلي بالهنا والشفا وآدي شكل الليمون طعم في منتهى الجمال 

كمان الصوص بتاعه بيتاكل برضه 

تنبيه هام ماتحطيش ميه خالص في البرطمان زيت وليمون فقط

مخلل الليمون السريع بالعصفر وحبة

ايه رأيكم ان شاء الله يكون عجبكم

ليست هناك تعليقات: