2010-05-06

الشريك( البريوش)


النهاردة هاقدم لكم طريقة عمل الشريك

( بضم الشين) وهو صنف من المعجنات


طعمه رائع جدا ناخده على الفطار مع


كوب شاي بلبن ان شاء الله يعجبكم


تعالوا نشوف الطريقة

المقادير
=====

كيلو دقيق = كوب حليب = 6 بيض = كوب سمن


أو سمن وزيت درة = فانيليا = بشر برتقال =


كوب سكر = خميرة فورية مع ربع كوب لبن دافىء


وملعقة سكر ( لاحظوا شكل الخميرة مرتفعة ازاي)





نضرب البيض مع السكر في الخلاط ونضيف الفانيليا

ثم نضيف الحليب ثم السمن ثم نضع الخليط في طبق العجن ونضيف بشر البرتقال ثم الدقيق شوية شوية أنا زودت على كيلو الدقيق حوالي كوب كمان لميت بيه العجينة ولازم تكون طرية

ولاتنزعجي اذا لقتيها بتلزق في ايديك

بس لاتزودي الدقيق يادوب المقدار

 

نتركها حتى تختمر وهاتاخد وقت معاكي

فوق الساعة ونص وهنا شكلها بعد الأختمار


نبدأ في التشكيل وكل واحدة وطريقتها ومزاجها


 

عملت شكل تاني زي البريوش

أخدت العجينة وفردتها وحطيت فواكه

مسكرة وممكن تحطي زبيب


لفيتها رول

وحطيتها في قالب الكيك


ودي أشكال تانية



نسيبهم يختمروا تاني وتكوني مشغلة

الفرن من الأول

ملحوظة هامة جدا جدا
=============

نظبط الفرن على 180 درجة ونضع

الرف أعلى مستوى ولا نشغل الشواية

تحت فقط ليه بقى لأنه بيتأثر بالحرارة

بسرعة وممكن يتحرق ولابد من مراقبته

كل شوية واذا لقيتيه استوى من تحت

وفوق لسة تنزلي الصواني تحت خالص

وتكوني طفيتي الفرن من تحت أوعي تنسيها

وتشغلي الشواية علشان يحمر الوجه

لكن أنا لم أشغل الشواية استوى فوق

وتحت من غير الشواية النار السفلية فقط وبالنسبة للشريك العجن والتشكيل
في ناحية والأهتمام والتركيزفي الخبز ناحية تانية خالص

وبعد الأختمار نضع الصواني كما ذكرت سابقا

وآدي الشريك طلع في منتهى الجمال

وخفيف وهش زي الكيكة والله



وده البريوش كأنه كيكة



وآدي التشكيلة كلها بكيلو دقيق فقط

 

 
ايه رأيكم ان شاء الله يكون عجبكم

وفي انتظار آرائكم الجميلة

دمتم في رعاية الله وحفظه


هناك تعليق واحد:

غير معرف يقول...

شكله لذيذ همممممم