2010-05-06

سميط وبيض ودقة

الصيف هل والقعدة بتبقى جميلة على الكورنيش بنسمات الهواء الجميلة أنا النهاردة عازماكم على رحلة نيلية

وعملت لكم حاجات حلوة أكيد الناس اللي مسافرةمشتاقين للجو ده معلش ان شاء الله تيجوا بالسلامةهاتلاقو ا النيل والبحر مستنيكم

أنا عملت لكم سميط وبيض ودقه يارب يعجبكم

مقادير العجينة على حسب حاجتكم

مكونة من دقيق وخميرة خبز (بيرة)

وذرة ملح وربع كوب زيت يعجنوا مع

بعض وتترك لتختمر



تقسم العجينة الى قطع ليسهل العمل بعد ذلك



ثم تشكل أصابع و دوائر كالمبين بالصورة



ثم يدهن الوجه بالحليب أو الماء ثم يرش السمسم



وهنا حطيت حبة البركة



وهنا حطيت كمون



ثم يوضع في فرن مسخن مسبقا الى أن ينضج

وبقى بالشكل ده



نيجي بقى للدقة

كوب كذبرة ناشفة منظف

كوب سمسم منظف

كوب سوداني مقشر

أو بندق مقشر

نحمص الكذبره على النار هاتلاقوا ريحتها جميلة



وبعدين نحمص السمسم





ثم نحمص السوداني وأنا كان عندي سوداني

بالتوابل قلت أكيد هايبقى طعمه حلو

وفيه ناس بتعمله بنوى المشمش



تطحن الكذبرة



ويطحن السوداني بس بسيط يعني يتكسر صغير جدا

لأن لو زودنا عليه الطحن هايبقى زبدة السوداني

ويضاف السمسم وملح وكمون حسب الطلب



ويخلطوا مع بعض



وكده جهزنا السميط والبيض والدقة ويالا بقى نطلع على الكورنيش



وكمان لم انسى التسلية

الترمس اللذيذ والحمص



ايه رأيكم في الرحلة الرائعة دي أكيد انبسطوا

أترككم في رعاية الله

والى اللقاء

ليست هناك تعليقات: