2010-05-06

الفطير المشلتت الرائع



بعد جهد جهيد ولأول مرة أقدم على هذا العمل وكنت
خائفة جدا أن أفشل لكن قلت زي بعضة حتى لو فشلت
ممكن أعمله مرة تاني لكن تفتكروا لو فشلت فيه كنت
هاعمله تاني
( لايأس مع الحياة ولا حياة مع اليأس)
المهم تعالوا نشوف الفطير
المقادير أنا عملت كيلو دقيق أضفت عليهم ملعقة صغيرة ملح
وربع كوب زيت أي زيت - زبدة سايحة شوي يعني مش ساخنه




وعجنتهم بماء دافىء الى أن تصببح عجينة متماسكة
ونقعد نلت ونعجن الى أن تصبح العجينة ملساء ولونها أبيض




ونتركها ترتاح وفي الوقت ده تحضري الصواتي وتشغلي الفرن
ثم تقسمي العجينة الى أقسام




ثم نكور كل جزء ليسهل علينا العمل بعد ذلك




نفرد العجينة حتى تصبح شفافة
ولأننا أرحنا العجين في كل خطوة سنجد سهولة بالفرد وكان نفسي
أعمل زي الفطاطري لما بيرفع العجينة لفوق بس خفت من العواقب
لأني مش هاعرف اجيبها من السقف المهم شوفوا نتيجة الفرد




ثم ندهن الزبدة حسب الكمية اللي تحبوها وبعدين نطوي طرفي
الدائرة وندهن زبد أيضا




ونطوي مرة أخرى وندهن زبد




ثم نبرم العجينة ونضعها في صينية ونتركها لترتاح ليسهل فردها في
الصيتيةونعمل غيرها




ثم نفردها في الصينية سوف نجد سهولة في الفرد




ثم نضعها في فرن ساخن جدا
ودي النتيجة فطير مشلتت انما ايه رائع وريحته كانت خطيرة




وأخدت واحدة عملتها زي البيتزا




يادوب شغلت عليه الشواية علشان تحمر من فوق وبس لأن
الفطيرة مستوية







ودي الحصيلة النهائية




ايه رأيكم دام فضلكم أنا عاوزة أقولكم بس اننا مش عيب نجرب
ولانخاف من الفشل لأن أنا كنت خايفة أعمله ويطلع مش مظبوط

ليست هناك تعليقات: