2010-05-06

تشيز كيك الفراولــه

بسم الله الرحمن الرحيم

السلام عليكم ورحمة الله وبركاته


الأسبوع اللي فات كان عندي حماس اني أعمل حاجة حلوة وفكرت كتير أعمل ايه جديد

وافتكرت ان ابني ليه سنةبيقولي عاوز تشيز كيك وأنا منفضه فقلت أجبر

بخاطره وأعمله خاصة أني لقيت كل المكونات موجودةعندي فشمرت عن ساعدي ودخلت المطبخ

وسميت باسم الله وعلى بركة الله أبدأ.

يالا قولوا باسم الله

أولا المقادير:

 

3 باكو بسكوت أي نوع

100 جرام زبده سايحة

2 ملعقة جيلاتين مذابة في ربع كوب ماء ساخن

 
10 قطع جبنة كيري أو 2 علبة جبنة فيلادلفيا

كوب عصير فراولة

 
فراولة مقطعة أنصاف

فراولة مقطعة قطع صغيرة
علبة زبادي

2 كوب ويبنج كريم ( كريمة لباني فريش) + نصف كوب سكر بودرة
وكل المقادير موضحة بالصورة

 
الطريقة:


نضع البسكوت في الفوود بروسسور أو ندقه أو نطحنه بأي شيء ثم نضع الزبده السايحة ثم نخلطهم مع
بعض ثم نحضر صينية تفتح من الأجناب والقاعدة هي مخصوص للتشيز كيك لكن اللي مش عندها ممكن

صينية عادية وتضع بلاستيك لف الأطباق في القاع والأجناب وعندما تنتهي من العمل يرفع البلاستيك

مع الكيكة بحرص وتوضع في طبق كبير .
نكمل بقى الطريقة بعد ماحضرنا الصينية نرص أنصاف الفراولة في الأجناب نضع الناحية المقطوعة من برة
زي مانتو شايفين في الصورة وبعد مارصينا الفراولة نضع البسكوتالمطحون مع الزبدة في الصينية ونضغط جامد

عليها حتى تكون كتلة واحدة .

 

 
ثم نضعها في التلاجة لحين الأنتهاء من عمل الخليط


نخفق الكريمة مع نصف كوب سكر بودره





نخلط الجبنة الكيري مع الزبادي





ثم نضع عصير الفراولة والجيلاتين ويخلط الجميع




هنا خليط الكريمة وخليط الجبنة والفراولة







نضعهم على بعض ونخلطهم بالمضرب  اليدوي





وهنا بعد الخلط



نضع الفراولة المقطعة فوق البسكوت



ثم نصب الخليط عليهم ونضع كذلك فراولة مقطعة على الوجه

ثم نضعها في التلاجة

نعمل جيلي فراولة بس يكون تقيل شوية يعني في العادة بيكون الباكو بيتعمل بكوب ماء ساخن ثم

نضع كوب ماء مثلج لكن هنا هانعمل الجيلي بكوب ونصف فقط ونتركة ليبرد ثم نضعه على الكيكة

ونضعه في التلاجة مرة أخرى وننتظر حتى يجمد الجيلي ثم نزينها بالكريمة والفراولة

 ودي النتيجة تشيز كيك رائع وسهل






ايه رأيكم ان شاء الله تكون عجبكم يالا اتفضلوا معانا

ملحوظة ممكن بدل الجيلي نضع صوص الفراولة بيبقي جميل برضه


ليست هناك تعليقات: