شنطة كروشيه لمستلزمات البيبي

نشتغل عدد من السلاسل على حسب مقاس الشنطة

المطلوب وأنا هنا عملت 60 سلسلة بمقاس 40 سم

وده عرض الشنطة اللي أنا عاوزاه طبعا حسب خيط

كل واحدة ممكن يطلع عند واحدة تانية 70 سلسلة

المهم نعمل عدد السلاسل بالمقاس اللي نحبه

هانشتغل السطر الأول وجميع السطور بغرزة النصف عامود

وده السطر اللي بعده

وهنا اشتغلت 3 سطور وبعدين غيرت اللون

3 سطور باللون التاني

وبنفس الطريقة نغير اللون ونشتغل

ملحوظة : عند بداية كل سطر لابد من

عمل 2 سلسلة بمثابة ارتفاع

لبداية السطر

هانشتغل الأجناب

هانعمل 15 سلسلة ونشتغل بنفس الغرزة

للجيوب الأمامية نشتغل 30 سلسلة وبارتفاع 15 سطر بنفس الغرزة

وهنا بعد ماشبكتهم مع بعض

دي الجيوب الجانبية

وهنا اشتغلت اليد مع الجنب

واستمريت في الشغل لغاية الطول المناسب ووصلتها في الجنب الآخر

الحمد لله انتهينا من شغل جميع القطع

الخطوة الجاية عمل بطانة للقطع

وصلت هنا لمرحلة التبطين

ممكن تبطني كل قطعة لوحدها

أو تستني لما توصلي كل القطع مع بعض

وتعملي البطانة كاملة

أنا هنا بطنت كل قطعة لوحدها

وزي مانتو شايفين أنا عملت سراجة للقطع الأول

وبعدين أثبتها بغرزة اللفق بابرة الخياطة العادية

ان شاء الله المرحلة الجاية توصيل

القطع مع بعض وتركيب الشنطة

الحمد لله انتهيت من تقفيل

الشنطة والنتيجة جميلة جدا

ان شاء الله هاتشوفوها دلوقت

بعد ما قمنا بخياطة البطانة مع

القطع قمت بتوصيل جميع القطع

مع بعض بغرزة سراجة بابرة عادية

اشتغلت على جميع الأطراف بغرزة الحشو

ودلوقت نستعرض جميع أجزاء الشنطة

دي الجيوب الأمامية

ده جيب جانبي

وده الجيب الجانبي الآخر

دي يد الشنطة

هنا ركبت السوستة

ده قلاب الشنطة

هنا قاعدة الشنطة وعلشان تبقى ثابتة معك

وغير مقوسة قصي كارتون على مقاس

القاعده ولفيه بقماش البطانة وضعيه

من الداخل على القاعدة سوف تثبت

القاعدة وتأخذ شكل الشنطة

وصلنا للشكل النهائي

تمت بحمد الله وفضله