2010-05-06

الفول المدمس المبخر

الفول المبخر

=======


نضع بصلة مقطعة في زيت على النار ونقلبها

حتى تصفر



ثم نضع ملعقة توم مهروس ونقلب ثم فلفل

أخضر شطه ونقلب ثم نضع طماطم مقطعة

ونقلبهم دقيقتين تلاتة




ثم نضع الكذبرة الخضراء حوالي ملعقتين



ثم نضع الفول ونقلبهم بسيط يادوب تقليبتين وطبعا نضع التوابل ملح وكمون وشطة حسب الطلب




نجيب طبق فرن أو طاجن أو صينيه حسب الموجودبس تكون حاجة ممكن تحطيها على السفرة لأنناهانقدمه كده ثم نضع خليط الفول في طبق الفرن ونضع على الوجه بصل حلقات كما في الصورة




ثم نضع كذبرة خضراء مقطعة




نجيب نصف كوب طحينة ونخففها بالماء وملعقة خل وملح زي مابنعمل سلطة الطحينة بالظبط ثم نضعها على وجه الطبق




نضعها في الفرن عشرة دقائق لأن كل شيء مستوي

يادوب نحمر الوجه



نولع قطعة فحم ونضع ملعقة سمن بلدي أو زبدة ثم نضع قطعة الفحم



ونغطيها



نشيل قطعة الفحم ونزين الطبق ونقدمه




والله العظيم مش هاقولكم على الطعم تحفة


ياريت تجربوه وممكن يتعمل على الغداء مع طبق بدنجان مقلي وفلفل وممكن بيض أومليت معاه وكمان جبنة بالطماطم والشطة

وزيت الزيتون وياسلام بقى لو معاه العيش الجميل بتاع سمسم وانتي عاملاه باديكي ويكون سخن وادعولى بقى بس أوعوا تدعوا علية


ممكن بعد كده تشربوا كوب من الشاي

الأخضر بالنعناع هايبقى كل شيء تمام

وأن شاء الله هايعجبكم قوي



وبالهنا والشفا



والى اللقاء في طبق آخر من الفول









ليست هناك تعليقات: