2010-06-14

الفراولة بالشيكولاته



الأيام دي الفراولة كتير وانتهزت الفرصة وعملت منها تشيز كيك الفراولة 

وكمان عملت الفراولة بالشيكولاته اللي هانشوف طريقتها دلوقت وهي سهله

ومافيش طريقة لها أساسا بس أنصحكم ماتعملوش منها كمية كبيرة لأن

الفراولة بترطب وبتبقى طريقة بمجرد ماتستنى لتاني يوم يعني تعملوا 

على قد ماتاكلوا 

المهم تعالو نشوف الطريقة

نختار الفراولة الجامدة الحمرا



طبعا نغسلها كويس جدا ونحطها على ورق المطبخ ليمتص كل المياه وتبقى جافة خالص

نسيح شيكولاته خام على حمام مائي أو في الميكروويف



نغطس نص الفراولاية في الشيكولاته ثم نضعها على  ورق الزبده



وهنا خلصت الكمية وحطيتها على ورق الزبدة



وفي النهاية حطيتها في طبق التقديم وزي ماقلتكم تتاكل على طول 




ان شاء الله تكون عجبتكم وبألف هنا وشفا

ليست هناك تعليقات: