تعالي فرحي بنتك وأعمليلها شنطة كيتي هي سهلة جدا والغرزة بدائية مافيش اي تعب في عملها
نشوف الطريقة
أولا نعمل عدد من السلاسل حسب مقاس الشنطة وسماكة الخيط
أنا عملت 25 سلسلة لأن الخيط عندي رفيع
هانشتغل بغرزة الحشو وهي كما يلي
السطر التاني نزود غرزة في الأول وغرة في آخر السطر
السطر التالت نرتفع بمقدر سلسلة لتكون بمثابة عمود في أول السطر
ونشتغل السطر عادي بدون زيادة
ونستمر على كدة نزود سطر وسطر لأ لغاية مانشتغل 14 سطر
هانشتغل 10 سطور بدون زيادة
هانبتدي ننقص في السطور التالية زي مازودنا
ننقص غرزة في أول السطر وغرزة آخر السطر
هانشتغل 14 سطر سطر ننقص وسطر لأ
هنشتغل دلوقت الأذن نشتغل 10 غرز زي ماواضح في الصورة
ننقص غرزة في كل سطر المرة دي من الوسط
وكده خلصنا الأذنين نشغل قطع تانية للخلف زي الأمام بالظبط
هانشبك القطعتين مع بعض بابرة الكروشيه ونعملها يد بعدد من سلاسل الكروشيه
بس تعملي الخيط مجوز علشان الأيد تبقى متينة شوية ونروشها ونعملها الفيونكة بتاعتها
هاتبقى في النهاية بالشكل ده
ان شاء الله تكون عجبتكم والى اللقاء في عمل آخر
هناك تعليقان (2):
تسلمي ياقمر والله حبيتك نفسي اقابلك
ربنا يخليكي محبك
كلك ذوق والله كل سنة وانتي طيبة
إرسال تعليق