2010-05-06

الفايش الصعيدي ( الشابورة )

السلام عليكم ورحمة الله وبركاته

بسم الله الرحمن الرحيم



النهاردة هاعرفكم على نوع من المخبوزات الضرورية في الصعيد وهو يتعمل كخزين يعتمد عليه في

الأفطار فهو يتميز بطعم رائع خاصة أنه لازم يتعمل من السمن البلدي والحليب الصافي بدون أضافة ماء هو:



الفايش الصعيدي( الشابورة)

==============



المقادير

=====





هو يتميز انك ممكن تعمليه من غير مقادير معينة لكن أنا هاقول بالتقريب





كيلو دقيق = 2 كوب زبدة أو سمن بلدي ويفضل السمن = حوالي لتر حليب





ملعقة كبيرة كركم = 3 ملعقة سمسم = كوب سكر = ذرة ملح





الطريقة

====





أول حاجة نعمل خميرة الحليب بأن نضع ملعقة سمسم في علبة أو برطمان




نغلي كوب حليب ونضعه فور غليانه على السمسم اللي في العلبة



نغطي العلبة بغطائها وتلف جديدا في قماش أو فوط مطبخ وتوضع في مكان لايصل اليه أي هواء

كي تتخمر ويأخذ التخمير 24 ساعة في الصيف ويومين في الشتاء وأحسن وقت لعمله في

الصيف أنا كنت كل كام ساعة أدفي فرن البوتاجاز واطفيها وأحطها ملفوفة بالقماش علشان تختمر .

المهم بعد عناء اختمرت والنتيجة بتكون يتكون قرص على وجه الحليب اللي في العلبة


بيكون واضح انها في حالة تخمر مثل ذلك




نيجي بقى نعمل عجينة الخميرة


حوالي 2 كوب دقيق تقريبا نضع عليهم الخميرة ونعجنهم ونغطيها ونتركها حتى تختمر وبيختلف


وقت التخمر حسب الجو .




هنا بعد التخمر





دلوقت الخميرة جاهزة نبتدي بقى عمل العجينة

نضع باقي الحليب مع الزبدة أو السمن مع السكر والكركم على النار لتدفئته فقط




نضع الدقيق في طبق العجن ثم يعجن بخليط الحليب وهو دافىء ويعجن ثم نضع الخميرة



نعجن العجين جيدا حتى تختفي الخميرة هكذا وتترك حتى تختمر




بعد أن تختمر تكون هكذا




تدهن الصواني بالسمن جيدا ثم تشكل اما أصابع هكذا وكل مرة تدهن اليد بالسمن جيدا




أو تعمل قرص هكذا



وتترك برضة لتختمر

ثم نسخن الفرن جيدا على 220 ثم نضع الصينية وبعد أن تنضج وتحمر نقلبها


ولأننا متوصيين بالسمن فهي تتفكك بمجرد ماتنقلب




وهنا بعد مافككتها





يرص مرة تانية بالشكل ده وتوضع في فرن هادي حتي تحمر وتتحمص



وفي النهاية دي القرص خليتها طريه ممكن ناكل بيها جبنة وعسل وقشطة





ودي أصابع الفايش بعد التحميص





أنا عارفة ان فيه ناس تسمع عنه بس أو ناس ماتعرفهوش


ايه رأيكم يارب يكون عجبكم


ملحوظة : لاتضاف أي خميرة غير خميرة الحليب حتى لا يتغير الطعم.


هناك تعليقان (2):

غير معرف يقول...

شكرا ....شكرا ...شكرا
جزاكى الله عنى كل خير كنت دايخه على طريقة الفايش
و خصوصا الخميرة دى اللى بتدى طعم الفايش المظبوط
شكرا

koky يقول...

أهلا وسهلا بيكي ياقمر

والله بتشرفيني لما تدخلي مدونتي

وبافرح لما باشوف تعليقاتك

ربنا يكرمك حبيبتي