2010-05-06

تورتة الكريب الرائعة


اليوم جايبة لكم تورتة غريبة شوية

وجديدة وسهلة في عملها



وكمان خفيفة وطعمها رائع



طبعا كل الغزل ده في التورتة بتاعتنا النهاردة



وهاتشوفوا بنفسكم الطريقة والشكل بتاعها

لكن الطعم لازم تجربوها وتحكموا بنفسكم

يالا نشوف الطريقة

أولا مقادير الكريب


كوب دقيق = كوب لبن حليب= بيضة= ملعقة كبيرة سكر

ذرة ملح= ملعقة زبدة سايحة

ده المقدار الواحد وأنا عملت مقدارين علشان

تكفي التورتة

أنا أستعملت الخلاط

نضرب الأول البيض والسكر والحليب ثم يضاف

الدقيق وذرة الملح وفي الآخر الزبدة السايحة

هاتكون النتيجة بالشكل ده

طبعا كلنا عارفين اننا هانستخدم طاسة تيفال ونمسحها بالزيت مجرد مسح فقط ممكن بقطعةقماش أو منديل مطبخونضع مقدار كبشة وندور الطاسة حتى تملآ القاع


ثواني ونقلبها


ودي النتيجة

نجهز بقى لعمل التورتة ومكوناتها
فراولة صحيحة = فراولة مقطعة = كريمة خفق


نخفق الكريمة + 2 ملعقة سكر بودرة



وكمان هانستخدم سيرب مخصوص للكريب



وممكن نستخدم بدل منه الشربات العادي

وعندنا الفراولة الصحيحة والمقطعة



نجيب الطبق أو الصينية اللي هانقدم



فيها التورتة ونضح واحدة كريب وعليها

سيرب



نضع كريمة وفراولة





ونكرر الطبقات وكل طبقة نصغر واحدة الكريب



ممكن نصغرها بالسكين أو نزمها من المنتصف



حتى لو صغرتيها بالسكين اللي هايطلع تحطيه في النص مافيش حاجةهاتترمي



في النهاية تكون التورتة بالشكل ده

ترشي عليها السيرب وتركزي على الفراولة



وممكن تخلي الكريب من غير ماتصغريه



وتبقى متساوية زي التورتة العادية



ملحوظة
=====



التورتة دي لازم تتاكل في خلال يومين



لأن الفراولة بتخرب بسرعة ولونها بيغير



وأنا واثقة لو عملتوها هاتاكلوها على طول



وبالهنا والشفا



أية رأيكم ان شاء الله تكون عجبتكم



وفي انتظار آرائكم الجميلة



استنوا استنوا لسة فيه حاجة تانية



الكريب اللي زاد عملته بالطريقة دي



نرش السيرب ونضع الفراولة



وبنفس الطريقة مع الموز



نلفهم ونضعهم في طبق ونزينهم

بصوص الشيكولاتة وصوص الفراولة

ونقدمه بالشكل ده
 
 

هناك تعليق واحد:

ام محمد 56 يقول...

افكار ررررررررررروعة