2010-05-25

أرنوبة جميلة بالكروشيه

النهاردة جبت لكم عمل فني آخر بالكروشيه وهو أرنوب أو أرنوبة عملتها من خيالى من غير باترون فقط شفت صورة لها

 
ان شاء الله تعجبكم

========

نبدأ بالجسم أولا



نشتغل 5 سلسلة ثم نقفلهم بمنزلقة







هانشتغل كل العمل بغرزة واحدة وهي العمودبلا لفة





وهذا الفيديو يوضح طريقة عملها







نملأالدائرة حوالي 15 عمود بالغرزة السابقة







نشتغل عدد اسطر على حسب المقاس المطلوب بمعنى ان كل ماتتسع الدائرة هايكبر حجم الأرنوب مع ملاحظة اننا نزود في العواميدفي كل سطر







بعد السطر السادس نشتغل عمود فوق عمود من غير تزويد علشان الدائرة تتقوس وتعطينا هذا الشكل







نستمر في الشغل










من هنا هانبدأ في تنقيص الغرز يعني ننقص كل سطر حوالي 7 غرز








ثانيا الأيدين



نشتغل 3 سلسلة ثم نقفلهم بمنزلقة لعمل الدائرة







نملأ الدائرة بنفس الغرزة التي ذكرتها في البداية

السطر اللي بعده نشتغل عمود فوق عمود والغرزة اللي بعدها عمودين حتى تتسع الدائرة نشتغل 3 أسطر أخرى بنفس الطريقة







نشبك اللون الآخر ونشتغل عادي بدون زيادة في الغرز لنحصل على هذا الشكل





انا هنا اشتغلت 10 أسطر باللون البينك وهاتكون النتيجة هكذا







وهنا الأيدين مع بعض







نشتغل الرجلين زي الأيدين لكن هانزود سلسلة البداية الى 5 سلسلة علشان تكون أكبر من الأيدين وهايكون مجموع الأسطر 15



وآدي شكل الرجلين







ثالثا الرأس



طبعا حفظتوا الطريقة سلسلة ودائرة والغرزة بعد كده














بعد كده ننقص عدد الغرز في كل سطر لغاية ماتبقى زي الكورة

بس لاننسى نحشيها قبل مانقفلها

 
نيجي بقى للأذن



هانشتغل 10 سلسلة وبعد كده سطرين من الغرزة السابقة







الأسطر اللى بعد كده هاننقص غرزة في الأول وغرزة في الآخر





لغاية مايبتقى غرة واحده هكذا







نشتغل واحدة تانية من اللون البينك







ثم نضع القطعتين على بعض ونشتغل الحروف بنفس الغرزة







وآدي الأذنين مع بعض







ودي كل القطع حطيت الحشو فيها







هنا بعد تركيب القطع مع بعض







وطبعا مش معقوله أسيبها كده رحت عملت لها فستان







بقت في النهاية أرنوبة جميلة بعد اضافة بعض اللمسات الأسنان



وببيونة لودنها







وهنا الظهر ويظهر الذيل وده افتكرته في الآخر وهو بتعمل زي الأيدين

بس أصغر







ودول بقى الأختين الحلوين مع بعض






هناك تعليق واحد:

غير معرف يقول...

رهييييييييييبة ...

تسلم ايديك يارب ويحفظك على الشرح وجمال التنفيذ