النهاردة ان شاء الله هاقدم لكم شاورما اللحم بخبز التورتيلا بطريقة خاصة
ان شاء الله تعجبكم
أولا نعمل عجينية الخبز
============
2 كوب دقيق + 2 ملعقة حليب جاف أو ربع كوب حليب سائل + ملعقة زبدة سايحة +
ذرة ملح وماء للعجن
تخلط جميع المقادير وتعجن حتى تصير عجيبة يسهل فردها
تقسم الى كور وتترك لتستريح أثناء عمل الشاورما
طريقة عمل الشاورما
===========
احنا طبعا هانكون محضرين اللحمة أو الفراخ ومقطعة شرائح ومتبله بالزبادي وملعقة
مستردةوملعقة خل وماء البصل وملح وفلفل قبل مانسويها ب 12 ساعة على الأقل
علشان تاخد طعم التتبيلةوتتفتت الأنسجة وتستوي بسرعة
هانقطع قطعة لية ( دهن الخروف) ونضعها في الطاسة ونخليها تسيح شوية ثم نضع
اللحم والنار تكون عالية حتى تقفل المسامات وتقلب حتى تتشرب مياهها
ونكون محضرين البصل والفلفل والطماطم والبقدونس والتوم ومقطينهم شرائح
ثم نضع البصل والتوم ونقلبهم كام دقيقة
ثم نضع الفلفل وتقلب كذلك دقيقيتين حتى لايذبل الفلفل
ثم نضع الطماطم وبرضه نقلب دقيقتين
ثم نضع البقدونس ونطفي النار عليها ونضع الملح والفلفل اذا احتاج الأمر لآننا متبلين
اللحم من قبل كده وناخد بالنا اننا لانزيد في تسوية البصل والفلفل والطماطم والبقدونس
حتى يحتفظوا بالشكل بتاعهم وتكون شاورما على أصولها
شايفين في الصورة كل حاجة محتفظة بلونها
بكده نكون انتهينا من عمل الشاورما
نرجع لعجينة الخبر
نأخذ كل كورة ونفردها ونضعها على الشواية واذا مافيش شواية يبقى عادي في
طاسة تيفال
بعد الأنتهاء من عمل الخبز
نأخذ كل واحدة خبز وندهنها بالطحينة أو التومية ونضع الشاورما
ونلفها ونضعها مرة أخرى على الشواية أو في التيفال
نضعها في طبق التقديم ونزين الطبق بالشكل ده
ومش هاقولكم على الطعم جنان جنان أحسن من شاورما المحلات مليون مرة
على الأقل تاكلي وانتى عارفة بتاكلى ايه
يارب تكون عجبتكم
دمتم لي بصحة وسعادة
والى اللقاء
هناك تعليقان (2):
رائع جدا سلمت يداك اختي بارك الله فيك
جوهرة الحياة
شكرا جوهرة
بارك الله فيكي
إرسال تعليق