طبعا كلنا بنعرف الكشري وكل منا لها طريقتها
وأي طريقة طبعا بتبقى جميلة ومش عارفة سر الطعم الجميل يكمن في ايه لأن كل مكوناته طعمهاجميل وبعد خلط المكونات بيبقى طعم تاني خالص وهو رائع بالتأكيد
تعالو نشوف طريقتي
أول حاجة نقطع بصل كتير وجمال طعم الكشري بالبصل المحمر
نقطع البصل جوانح ونرش كام ملعقة
دقيق ونقلبه والسر في وضع الدقيق
حى يصبح مقرمشا ولايشرب زيت
كثير
نضع كمية كبيرة من الزيت في طاسة
ونقلي فيه ولاتقلقوا من كمية الزيت
فسوف نستخدمها كلها في مكونات
الكشري ويكون بها طعم البصل
وبعد أن يحمر يوضع على ورق نشاف
هاتلاقوا البصل مقرمش ولم يتشرب الزيت
الخطوة اللي بعدها ننضف العدس
البني واحنا بنسميه ( أبو جبه )
مش عارفة ايه سبب التسمية هههه
المهم بعد ماننضفه ونغسله ننقعة
في الماء حوالي نصف ساعة ثم نضعه
على النار مع كمية من الماء و2 حبة توم مهروس حتى يستوى نص سوا
ثم نضع الأرز بعد غسله ونقعه
ونضع كام ملعقة من الزيت المتخلف
من تحمير البصل
فيه ناس بتعمل الأرز وحده والعدس وحده
طبعا كل حسب طريقته
هنا بعد مااستوى الأرز ومن عوامل نجاح
الكشري أن تكون حبة العدس مش مستويةجامد ومافيش مانع انك ترشي ملعقتين زيت على الوجه
نسلق المكرونة ونشطفها ثم نقلبها
في زيت البصل وأنا باعمل نوعين من المكرونة
ننقع الحمص ونسلقه ونملحه
نحمر توم
ثم نضيف ربع كوب خل
و نضيف عصير الطماطم وتترك لتتسبك
وممكن نضيف ملعقة صلصة علشان
لونها يبقى حلو وأكيد لاننسى الشطة
فيه كمان دقة الفلفل المشطشط
وطريقتها نأخذ كوب من ماء الحمص
بعد ماستوى طبعا ونضعها مع ملعقتين
خل وملعقة توم مهروس وكام حبة
فلفل أخضر حار ونضربهم في الخلاط
حتى ينعموا ولاننسى الملح طبعا
وممكن شطة ناعمة حسب الرغبة
وآدي كل مكونات الكشري شوفوا
غلبة قد ايه
وفي الآخر نحطهم على بعض
طبقات وطبعا أول طبقة من الأرز
والأخيرة من البصل المحمر
أما الطبقات اللى في الوسط لكى
مطلق الحرية تحطي ايه قبل ايه
وآدي طبق الكشري في النهاية ومعاه
الصلصة المشطشطة والدقة الحارة
نسيت أقولكم عملت كمان شعرية
هناك تعليقان (2):
ديه اجمل طريقه سمعتها اشكرك على هذا الجمال
تسلمي ياقمر يالا جربيه بالهنا والشفا
إرسال تعليق