2010-05-05

طبعا كلنا بنعرف الكشري وكل منا لها طريقتها

وأي طريقة طبعا بتبقى جميلة ومش عارفة سر الطعم الجميل يكمن في ايه لأن كل مكوناته طعمهاجميل وبعد خلط المكونات بيبقى طعم تاني خالص وهو رائع بالتأكيد

تعالو نشوف طريقتي

أول حاجة نقطع بصل كتير وجمال طعم الكشري بالبصل المحمر

نقطع البصل جوانح ونرش كام ملعقة

دقيق ونقلبه والسر في وضع الدقيق

حى يصبح مقرمشا ولايشرب زيت

كثير



Photobucket


نضع كمية كبيرة من الزيت في طاسة

ونقلي فيه ولاتقلقوا من كمية الزيت

فسوف نستخدمها كلها في مكونات

الكشري ويكون بها طعم البصل


Photobucket


وبعد أن يحمر يوضع على ورق نشاف

هاتلاقوا البصل مقرمش ولم يتشرب الزيت


Photobucket


الخطوة اللي بعدها ننضف العدس

البني واحنا بنسميه ( أبو جبه )

مش عارفة ايه سبب التسمية هههه

المهم بعد ماننضفه ونغسله ننقعة

في الماء حوالي نصف ساعة ثم نضعه

على النار مع كمية من الماء و2 حبة توم مهروس حتى يستوى نص سوا



Photobucket





ثم نضع الأرز بعد غسله ونقعه

ونضع كام ملعقة من الزيت المتخلف

من تحمير البصل



Photobucket





فيه ناس بتعمل الأرز وحده والعدس وحده

طبعا كل حسب طريقته

هنا بعد مااستوى الأرز ومن عوامل نجاح

الكشري أن تكون حبة العدس مش مستويةجامد يعني نص سواومافيش مانع انك ترشي ملعقتين زيت



على الوجه




Photobucket



نسلق المكرونة ونشطفها ثم نقلبها

في زيت البصل وأنا باعمل نوعين من المكرونة



Photobucket


Photobucket

ننقع الحمص ونسلقه ونتبله

Photobucket

عملت كمان شعرية لكن للأسف نسيت أصورها

بنحمر الشعرية عادي برضه في زيت البصل

ونضع ماء وملح ونسويها

نيجي بقى لصلصة الطماطم





نحمر توم مفروم




Photobucket


ثم نضيف ربع كوب خل

ثم نضيف عصير الطماطم وتترك لتتسبك


Photobucket

وممكن نضيف ملعقة صلصة علشان

لونها يبقى حلو وأكيد لاننسى الشطة

فيه كمان دقة الفلفل المشطشط

وطريقتها نأخذ كوب من ماء الحمص

بعد ماستوى طبعا ونضعها مع ملعقتين

خل وملعقة توم مهروس وكام حبة

فلفل أخضر حار ونضربهم في الخلاط

حتى ينعموا ولاننسى الملح طبعا

وممكن شطة ناعمة حسب الرغبة





وآدي كل مكونات الكشري شوفوا

غلبة قد ايه


Photobucket

وفي الآخر نحطهم على بعض

طبقات وطبعا أول طبقة من الأرز

والأخيرة من البصل المحمر

أما الطبقات اللى في الوسط لكى

مطلق الحرية تحطي ايه قبل ايه

وآدي طبق الكشري في النهاية ومعاه

الصلصة المشطشطة والدقة الحارة

Photobucket



ايه رأيكم يانجمات ياحلوات






ليست هناك تعليقات: